قصائد للامير الشاعر : سعود بن عبدالله

اليوم طرى على بالي انزل مجموعه قصائد ..
للشاعر المبدع والهادي الذي تميز بروعة كتاباته
الامير سعود بن عبدالله


الرجاال افعااال


الرّجال أفعال وأقوال ومبادي

والزمن ماعلّم البخل العطيّه

وباخص الدنيا يقود ولا يقادي

والصّواب اللّي يعلمك الخطيّه

والردي وجهٍ كريم النفس غادي

على إيدينك يالردّي تكرم ايديّه

والنوايا بالصّدور وبالفوادي

والصلاح بلحمةٍ بالصّدر نيّه

هيه ياصوتٍ من البارح ينادي

بين خلجان الغلا والمقدريّه

نخلة التاريخ تنبت من بلادي

نخلةٍ صارت لها الدنيا هديّه

الوفا في ديرتي ماهو بعادي

من مهاد الطفل لاحد المنيّه

بين كفّينه رجالٍ للهجادي

ولاجل عينه لو تموت الروح حيّه

والرفيق اللّي أنوخ له ودادي

ماعليه من الزمان وماعليّه

الجواد يجيك من ظهرة جوادي

والحديّه ماتجيب إلا الحديّه

علّ غصنٍ مايجي ظله برادي

تقلع جذوره قبل يظهر خويّه

ألف علم وألف درب وألف وادي

كلمها مرّت من البارح هنيّه




اخطيت يوم اني طلبتك حنانك


اخطيت يوم اني طلبتك حنانك
لاصرت فاقد شي وشلون تعطيه
مهما نطق لي بالمشاعر لسانك
شيٍ بدون احساس ما اقتنع فيه
احساسك المصنوع خنته وخانك
جاملتني به وانت تجهل معانيه
مني نصيحه تنفعك في زمانك
إلا شعورك لا تبيعه وتشريه
كانك تقدر قيمه الحب كانك
اللي يودك لا تحاول تعنيه
يا كثر ما حبك فوادي وصانك
مع كثر ما تبعده كنك تناديه
غيرك امانه خوف والخوف امانك
ما كل من راعاك تقدر تراعيه
حتى لو عليت بالقلب شانك
ابقى يتيم الحب جرحي اقاسيه
اعذرك لاحطيت نفسي مكانك
لا صرت فاقد شي وشلون تعطيه


علمني امسح دمعتي


علمني امسح دمعتي و اتوب
علمني ازعل منك لو مرة

ليت الحنايا يا هواي قلوب
تشوف حبي فيك ويش كثره

لي قلب واحد و انت له محبوب
ما غيرك احد هز به شعره

اذوب في سود العيون اذوب
القلب صادق و الهوى جمره

ناوي العذاب ناوي تبكي قلوب
و انا على امرك لو علي تشده

ليل المحبه لوعتة و ذنوب
يا حظ من يقوى على صبره


بين البرد والبرد


بين البرد والبرد ياصاحبي فرق

وبينك وبين الناس حاجة وحاجة

ياناعم الخدين من وجهك الشرق

يشرق سنا صبح الهوى ونتواجه

ويشيل لك قلب العنى سامره طرق

ويلبسك زين المخاليق تاجه

حول من الهاجس على القلب ثم أرق

اشرب قراحه واعط غيرك هماجه

مالي بقلبي ياهوى خاطري عرق

يلقى بك القلب العليل انفراجه

متى القمر والشمس والنور والبرق

تهزم جبينك ياصعيب المواجهه

ياحارق قلوب توليتها حرق

ماأحد إذا طليت يرفع حجاجه




تفضل اجرح


تفضل اجرح مادام إسمك مجرحني

تفضل اجرح شعور وقلب محبوبك

كان الوفا ذنب فاجرح يامعذبني

أنا خطاي الوفا والشاهد دروبك

تهد عرش الغلا وأثر الوفا يبني

وأسري مع خافقي لاجل الوفا صوبك

وكان الخطا بالمحبة لا تحسابني

والله مااخترت احبك لأجل أنا اتوبك

أنا الغلا والعطا والصدق شاربني

عطيتك العشق شمسك والغلا ثوبك

لا تكثر اللوم برحل لا تعاتبني

أبي غروبي قبل لا شاهد غروبك

بموت قبل أجرحك وأقول سامحني

واسأل عليك الزمن لا يكتب ذنوبك

الله وش كثر أحبك يامعذبني

هذي عيوبي ياليت تناظر عيوبك


تعودني على غيابك


تعودني على غيابك عشان تطول الغيبة

وأنا ماادري واحسب إنه عشان تقول واحشني

جرحت اللي نسى الدنيا عشانك وإنت تدري به

وصار اسمي لك الذكرى وصار اسمك معذبني

أنا بسألك لو تسمح حبيبك وش عذرابيه

عسى ماهو الوفا والود بس اللي يعذربني

ألا يامكثر الغلطات منك ومكثر الطيبة

بقلب يخلق اعذار ويعذرك كان تسمعني

حبيبي كان لي قلب وخذيته ليتك تجيبه

ولاعاتبك لجروحك وليتك ماتعاتبني

تعرف اللي بدا الكذبة وحليتله أكاذيبه

ترا ذا قلبي اللي فيك أبد ماكان طايعني


رحلت وجمع طيوفك


رحلت وجمع طيوفك حبيبي لاتعذبني
تعبت اجمع طيوفك وعيت ترحل بدونك

حبيبي ذا شعوري صدق قلته لاتكذبني
وقت وكانت الذكرى ومشيت وكانت عيونك

اهد اللي يعلقني بحبك والغلا يبني
تصدق لين مرينا مكانك يسأل شلونك

واصد وكني المخطي سؤاله عنك يتعبني
ألا ياخل ياصعبك والا ياخل يهونك

أنا ودي بعذروب على وصلك يعاتبني
وثر حتى عذاريبك بياض يشبهه لونك

بربك لابغيت ارحل بعيد هناك قربني
ترى لو مرت وجيهٍ كثيرة ما يكفونك


احبك

أحبك كذبة بيضا عشقتك عشق بعد وقرب
وغنت صوت قلبي لك اشفاه تجهل اسبابه

اموت بنظرة منك وينبت في دروبي عشب
إلا منه شربني صوتك الفتان واحيابه

عظيمه هالقلوب اللي تحب وخافق ماحب
حياته وش حياته لو يموت فراقه اولابه

أدورلك كلام أجمل ولا اجمل من كلام القلب
وعمر القلب مايكذب نهار يحدث احبابه

اطير لك حمام البال وافقد كل ليله سرب
يمسيه الورق في حضنه الدافي ويدفابه

شعوري لو نثرته للهبايب كل جرح هب
وعنيت الهوى واهل الهوى والحب متشابه

حنين وشوق واحلام كثيرة والحقيقه عذب
حلاته في عذابه من دخل دنياه يشقى به

عظيم الحب وانت اعظم وانا اعظم من جرحه الحب
حياتي عطرها نزف الشعور اللي من اسبابه


يامطول الليل


يامطول الليل الخواطر كثيره
أتعبني الهوجاس وأتعبني الليل

خليتني من بين يأس وحيره
طال انتظاري وأنت طولت بالحيل

كل المشاعر في غيابك كسيره
وأنت بظلام العمر للعمر قنديل

عين تشوف وماتشوفك ضريره
عيد الغلا بعد العذاب المواصيل

جرحك حبيبي مايجي مثل غيره
احتاج جرحك حاجه ألارض للسيل

للحب نشوه والليالي قصيره
يانور ليل الحب عذب التعاليل

الليل للعشاق دنيا كبيره
والصبر خطوه في دروب المقابيل


الغلا مات

الغلا مات لاتنده ولا اقول سم
صرت انا والقصايد وأنت معنى العذاب

انكتب جرح تلقاني على كل فم
صرخةٍ من خفوقي صوتها أصدق جواب

ينزف الجرح صوت وينزف الجرح دم
كل قطرة ملام وكل ونه عتاب

ودي الم جرحي من لياليك لم
قبل اعلق على الخفاق دونك حجاب

لو تمنيتني فالحب ماقلت تم
اتمنى يطول أبك النوى والغياب

ايه احبك وأضمك بين الأهداب ضم
والجوارح على جرحت شعورك تهاب

امس عشقتك فرج واليوم بأنساك هم
في جفاف الصحاري من يذوق السراب




كف شالت شموع


كف شالت شموع وكف شالت غلا
وانت بين الايادي نجمة ماتطيح

هو صحيح الحبايب بالوصال بخلا
اه مصعب سؤالي بالخفوق الجريح

انتظرتك حبيبي في عيون الولا
ياحبيب المكان وحاكمه بستريح

قبل احبك وهبتك شوق صدري امتلا
ولاطريت بخيالي هب بالصدر ريح

مرني في عيونك كل كلمة هلا
الظما في عيوني وانت وصلك شحيح

من يقول السوالف للعيون ابدلا
خاب ظن الكلام وطاب حظ المريح

ليت مانيب واله للمحاجر ولا
في خفوقي شعور لك يقوم ويطيح


ياصاحبي


ياصاحبي لايسرى الليل بدري
خلك بوسط الدار لاتجرح الليل

الليل توه وان تجليت يسري
ولليل ناس ماتمل التعاليل

خلك على تجريح الاحباب حذري
ماتدري ان الليل ستر المواصيل

ياحبي اللي بين عيني وصدري
يافرحي الماضي وخوف المقابيل
الدم يجري في عروقي وتجري
انا الصحاري وانت معشوقها السيل

يضيع في وصفك كلامي وشعري
اشبهك بالريم وأوصفك بالخيل

للقلب عين وانت للعين مغري
يامحٌرح القمرا بسود مظاليل




خلك معي

خلك معي دايم وأنا أكون مبسوط
لا تغيب عني يوم ويضيق صدري



قلبي وهب لك صادق الحب مصفوط
والأعلى غيرك من الناس بدري مدري



وش اللي بالهوى شاطني شوط
والا ترى قلبي من الحب حذري



طبعي هواوي لكن اليوم مضبوط
صار الوفا في دمي اليوم يسري



حبك غزاني دون تحذير وشروط
وأُر على طابع سلوكي وفكري



صوتك وهمسك والحلى فيك مفروط
ولا صرت أنا مجنون حبك بعذري


اهلا هلا بك


أهلاً هلا بك يا بعد كل من لي
يا أغلى من الغالين يا روح روحي



يفزّ لك قلبي وأرحّب وأهلّي
تطيب في قربك جميع الجروحِي



لك طلعةٍ مثل القمر يوم هلّي
خلاّ سواد الليل نورٍ يلوحِي



يمّك دعاني زايد الشوق كلّي
جيتك وأنا قلبي بحبك يبوحِي



تعال نحكي عن مشاعرك قل لي
واحكي لك همومي وجرحي ونوحي



هاج الغرام وتلّه الود تلِّي
قلبٍ قبل عرفك حياته مزوحِي






القصايد مثل برق


القصايد مثل برق وسحابة

تشربه عين وعيون تخيله

والورق قاع والعشب الكتابة

والمعاني مثل روض ومسيله

والمنابت تراها ماتشابه

النفل والخزامى وش مثيله

صبح الإشراق ياسيف المهابة

يامسا الحب يالعين البخيلة

عاشقك بالهوى مغرم صبابه

خافقة بين كفّينه يشيله

هاجسٍ مرّ ماجابه غدابه

هاجسٍ فيك ماكفّاه ليله

فيه حكيٍ بصدري مادرى به

وكل ماطاح حرفٍ قمت أشيله

وبه بعينه حديثٍ ماحكى به

آه لو بس يعطيني قليله

حرفي اللّي أحنه من عذابه

لين ناظر بعينه الجميلة

كل مامرّ نسناس وجابه

أطلق البال للهوجاس خيله

ابتدا به حديث ولا انتهى به

وبين صدري والأنفاس العليلة




قالولي عنك البارحه


قالوا لي عنك البارحه "
" غلطت مرة قلتني

قالوا لي إنك من الخجل
" السالفه راحت هدر

أخاف تاخذك الدموع
" إذا حبيبي لمتني

واجط كفي لا تطيح
" واغضب على دمعك حذر

اقول بنساك وعبرت "
" مدري قدرت وخذتني

واصد عن كل النجوم
" واقول ما شفتوا بدر

مريتك البارح سهر
" مدري حبيبي شفتني

مريت وفلسانك سكنت
" ما بين قولين وصدر

هذا الحديث اللي تبي
" أدري بحبك نلتني

بس البدايات بقدر
" حتى النهايات بقدر


مااوعدك


ما أوعدك من يضمن اظروف الزمان
" لا تصدقي من قال للدنيا امان


ميعادنا خليه في كف الظروف "
" لا تحرجيني بالزمان وبالمكان


محدن عن احبابه بيختار البعاد "
" لولا الحياء اطلقت للرجل العنان


اسري بليلة ضيق لشموس الفرج "
" وركبت موج الخوف للشاطي الامان


كثر الليال اشتاق لك كثر السنين
" انتي حنان العمر ما غيرك حنان


لمعانقك شوقي كثر شوق الرمال
" لمعانقة غيمة لها عنه زمان





مرت سنه


مرت سنه مالك على البال طاري
" لا جاد لك حظ ولا سولفوا فيك


وينك بلم من الجروح الذواري
" طال الهبوب وطال مسراه ساريك


لا مانتظرتك بس طال انتظاري
" لا ما ذكرتك .. بس لا تقول ناسيك


اشتاق لك مثلك .. وتشتاق داري
" احتاج لك دايم ولو قلت مابيك


لا تطري الفرقا ولا تقول ساري
" تو الوصل ما بلل اعروق مغليك


ما فيه غيري وانت والليل عاري
" والنجم غاب ويا عسى القلب يكفيك


بهديك خفقه من خفوق المساري
" وعطني عيونك لجل اشوف العمر فيك



تعال نور النور والليل
تعال نور النور والليل ضوه
ابي فى ليلى شمس بخجل بها شمس


وابي فليلى ليل والليل توه
اثره شعرك الليل والشعر والهمس


والى تبيه بالله ياخلى سوه
لاشفت شمس الليل بنسي جروح امس


عطشان حبك من هوى الحب روه
تعال طال البرد يا دافى اللمس


تعال اشوفك فى سماء العمر نوه
يروى بها المعلوق وتربع الخمس


تعال نور النور والليل ضوه
ابي فى ليلى شمس بخجل بها شمس


موج البحر

موج البحر يا منهو الى على الماء
هذا القمر ولا حبيبي على الجال


اهلا كثر ماجيت للبحر ابظماء
وانتى بعيد وملت العين الازوال


ياليت مال النور ياخل ظلماء
لاغاب خل ولا نسا غالى غال


مر الغياب فى حاجر العين وادماء
كل الجروح سالب الدمع ما سال


هذى الجروح الى على البال طرماء
او هو غلاك اسكت جروح بتنقال


ليه الغلا لاظلل الشوق برماء
او هو خريف العمر فى كل الاحوال


تبسمى فى داخلى قلب لعماء
يولد نهار ما طرا له على البال



فمان الجرح

فمان الجرح يا ذيك السوالف
بعد ماخانت ظنونى ظنونى


عرفت الغدر هو كذب الولايف
جروحك علموك وعلمونى


نزل دمعا وبعض الدمع واقف
سال عن باقى طيوفك عيونى


انا كل المشاعل حيل حايف
ابسدل هالستار وساعدونى


وداع وكلمه التوديع اسف
واذا باقى لكم غدر اعذرونى


حبيب الكذب فينى الصدق حالف
اموت الصادق الى تعرفونى


سالتك هو بقى للناى عازف
يغنى للحزن مره بدونى


واذا صار الحكى كله حسايف
بعد مااروح يكفى تذكرونى


علمني


علمني امسح دمعتي و اتوب
علمني ازعل منك لو مرة

ليت الحنايا يا هواي قلوب
تشوف حبي فيك ويش كثره

لي قلب واحد و انت له محبوب
ما غيرك احد هز به شعره

اذوب في سود العيون اذوب
القلب صادق و الهوى جمره

ناوي العذاب ناوي تبكي قلوب
و انا على امرك لو علي تشده

ليل المحبه لوعتةٍ و ذنوب
يا حظ من يقوى على صبره





مع تمنياتي ان ينال اعجابكم