بدون اقياس

يهز غصن الرجاء نسناس وأنا اجمع الدمع من خده
لازلت احس بتعب واعماس يعاود البال من مده
لاباس ياخاطري لاباس لسيف مايجرحه حده
والقلب لولا عليه اقواس لا فز بعروقه تصده
يمديه لاهزه الهوجاس يشقق الصدر ويقده
لي صاحب ناعم حساس اغليه بالحيل واوده
يقول لي في حشاه إحساس مانيب كبره ولا قده
ويقول احبك واحس بياس والأمر ماهوب في يده
قلت أه يالمطرق المياس من طاري البعد والصده
في عيونه عيونه النعاس يبني لي الشوق ويهده
والظبي والليل والقرناس وما لا أقدر احصيه واعده
ياليتي اجمع قلوب الناس أشباه والضد مع ضده
واحبك بها بدون اقياس لين العمر ينتهي حده
يازين ما في البعاد اوناس ان كان لي كفك تمده
عطني لعيني بعدك انعاس لا تاخذ النوم وتلده
وعطني لنسيانك الاجراس وقلبي على مهجته رده
وأنا اوعدك واوعد القرطاس بالحب في اللين والشده

قصيدة مليئة بمشاعر عذبة مترفة الاحاسيس
مشكور تميم لاختيارك المميز
دام لنا حضورك وتالقك

الحره نورتي الصفحه
يسلموو لمرورك الرائع ولاعدمناك

رائعه من روائع الشاعر نايف صقر
يعطيك العافيه تميم

جمالك تميم
ابداع في ذائقتك
تتميز بروعة الاختيار
لاهنت يا مبدع
ودي لك

السوسن وراعي الفزعه
نورتو المكان بمروركم النير
يسلموو ياغالين