مانجهل الدنيا.. ولانعلم الغيب

مانجهل الدنيا.. ولانعلم الغيب
مير الزمان إليا تمايل .. تمايل


تصيب بعض أحيان .. وأحياناً تخيب
وأنت اعتبرها مثل كبوة أصايل


نمشي على درب الكرم .. والمواجيب
ولاشكينا من سموم القوايل


لو البشر ما هي تحب الأصاعيب
ماكان عاشت فالجزيرة .. قبايل


الطيب ما يعني تجنابك .. العيب
الطيب .. كيف تطول .. روس الطوايل


ياصاحبي من قبل فتح المكاتيب
اقرأ على الدنيا عسيف المثايل


أقسى طعون الضيف طعنة .. معازيب
لا من غدت بين الردى والتحايل


يا صاحبي والحزن شيخ المحاديب
تحت أمره تقوم وتطيح الحمايل


ترى الكرم يستر كبار العذاريب
وترى البخل يقطع يدين الفضايل


من شفت ناب الذيب في جيفة الذيب
آمنت بأن أهل المروّة قلايل


لا صرت ما تضمن قلوب الأصاحيب
جنّب قبل تلفي عليك الفشايل


أحد(ن) إذا مديت له طيبك .. يغيب
ماتملى عيونه كبار الفعايل


وأحد(ن) .. يموت إن كان سويت به طيب
يخاف مايقدر يرد الجمايل

جميل هو طرحك غاليتي
الله يسعدك ويعطيك العافيه
وفقك المولى ورعاك
دمتي بخير

الجمال في مرورك الرائع طيف
لا عدمتك يالغلا

م اروع نقلك اختي السوسن

لقد اصبح التميز عنوانك

شكرآ ولا تفي

سلمتي ي السوسن
وصح لسان قايلها .. واعتلا شان ناقلها
شكرا ألف
....