زماني معلمني على كل الاصنافي

انا لو خسرت المال ل الصاحب الوافي
قسم ما أعتبر ذالك خسارة ولا منّه

أسوق الغلا واحمي جنابه عن الهافي
ويبشر بوقفت قوم ماخيّبت ظنه

وخوي المصالح لو نشيله على أكتافي
جحد موقفي لو قبل عيني ضحك سِنه

زماني معلمني على كل الاصنافي
ومنهو رماني في القفا ماعليّ منه

تبيّن لي الظاهر وبيّن لي الخافي
وعرفت الصديق إللي لي الودّ ياكُنه

عطاني زماني درس ياأصحابنا كافي
وثوبي حمى جنبيّ من لاهب الكنه

تغانيت عن مدّت قصيرين الاكفافي
وكفوني إللي ع الجمايل لهم رنه

ويارب طالب عفوك وسترك الضافي
وعسى ياجليل الملك تدخلني الجنة

بقلم/ابوخالد

كفو يابوخالد وانت اهل العلوم الجميله
حياك يالغالي ومرحبا بطلتك وماطرحت
سلمت يمينك وصح لسانك شاعرنا ولاعدم

صح لسانك وسلم بنانك ابوخالد
على هذه الرائعة معنى ومبنى

تقييم ونجوم
تختم /.

صح السانك
ابوخالد

دايم مبدع موفق الخير

الله يسعدك ويطول بعمرك انت صراحه ممن لهم باع طويل في لشعر
بالتوفيق ننتظرجديدك القادم تحياتي

السعيدي

زماني معلمني على كل الاصنافي
ومنهو رماني في القفا ماعليّ منه

تبيّن لي الظاهر وبيّن لي الخافي
وعرفت الصديق إللي لي الودّ ياكُنه

...........
صح لسانك وسلمت البناان
ومرحبا ترااحيب المطر منورنا يا الشاعر الراقي ابو خالد
دمت ودام حضورك المميز

صح لسانك ابو خالد وسلم البنان والفكر الراقي
دام نبضك
واهلا ومرحبا بعودتك ابو خالد
لاعدمناك

ارحب اخي الغالي/ تميم
وماعليك زود وصح الله بدنك
والله يسلمك
وشاكر لك ومقدر على جمال مرورك لاعدمتك

ياهلا فيك أختي الفاضله/ ندى الجنوب

وصح بدنك والأروع هو مرورك

وكل الشكر لك على التقييم وجمال الحضور

دمت وسلمت

ارحب اخي الغالي/ السعيدي

وصح بدنك وجعلك تسلم

والإبداع يكتمل بجمال مرورك االفخم

حفظك الله واسعدك أينما كنت

اهلاً ومرحبا بك أختي/ ام هتان

وصح بدنك وسلمت ودمت

والنور بوجودك وفقك الباري

وكل الشكر لك على مرورك

ياهلا وغلا ب اختي الفاضله/ السفيره

وصح بدنك ودام لنا تواجدك المميز


كل الشكر لك