قصيدة المؤمن (الصبر محمود العواقب تواليه)

بسم الله الرحمن الرحيم

الحمدلله والصلاة والسلام على رسول الله وعلى آله وصحبه ومن والاه

وبعد

أضع بين أيديكم ... رائعة من روائع الشاعر الكبير عبدالله بن سعد بن هادي رحمه الله


قالها ردا على أحد أبناء عمومته واسمه مسفر ... بعد أن أوصاه مسفر بالصبر والاحتساب


بعد أن أصيب شاعرنا ... بمرض خطير ألم به...توفي بعد قضاء الله وقدره بسببه ...رحمه الله رحمة واسعه...



(الصبر محمود العواقب تواليه)


يالله ياللي من ترجاه يعطيه


يا مسقي بالغيث حضر وبوادي


تغفر لبن هادي ذنوبه وتهديه


وانك تسهل له طريق الرشادي


لى جا المحاسب بالصحيفه يناديه


احصى عليه الغابيه والبوادي


خط لفاني بينات معانيه


مرسول من مسفر صبي الوكادي


عوق الخصيم وزبن من يعتزي فيه


لى جا نهار فيه رايح وغادي


من يشتكي من الضيم ربي يعافيه


انته وانا وايضا جميع العبادي


يالله ياللي جملة الناس ترجيه


يا كاشف البلوى رفيع المبادي


يا الله عسى من لاذ بك تعتني فيه


يا مكتفل بارزاق من به ينادي


يا مخرج موسى من البحر معليه


واغرق عدوه في بحور السوادي


يا مرجع يوسف ليعقوب مغنيه


ورد البصر له عقب ما كان غادي


يا معافي أيوب كاشف بلاويه


والدود في جسمه كثير العدادي


يا مخرج ذاالنون والماء مغطيه


يا سامع صوته وهو له ينادي


أرجيه يسمع دعوتي يوم أنا ادعيه


يا سامع من جاء ببابه ينادي


يجعل لنا صبر على الضيم يرضيه


والصبر مبدأ من خيار المبادي


الصبر مفتاح الفرج في معانيه


من لاصبر ما ينتصر في المعادي


الصبر محمود العواقب تواليه


واللي جزع من حكمة الرب غادي


من يلتزم في عروة الله يهديه


يفرج همومه في الليالي الشدادي


يا ما سهرت الليل والجفن اغطيه


والعين عيت ما يجيها الرقادي


يوم افتكر في خالقي حين ألاقيه


ما عاد لي من حكمة الرب غادي


يالله عسى من خافك اليوم تنجيه


من هول يوم فيه يرجف فؤادي


والختم صلوا عد ماهب سافيه


على النبي المبعوث بالخير هادي



كتبه ... مفرح بن قطمان رفيع التليدي ...

قصيدة جميلة اظهر فيها الشاعر فقرة الى مولاه
وكلناذلك قصيدة جزله في معناها ومبداها تسلم ابوسلمان
ورحم الله قائلها وصحة يمين ناقلها لك مني ارق التحايا

والله جمييييييييييييييله رائعه
شكراً عَ النقل ياشيخ
تحياتي..!!
وودي..!!

قصيدة جميله

بكل معااااااااانيها

بارك الله فيك

ابو مسلم

ودمت بحفظ الله ورعايته

قصيدة راائعه

سلمت يداك

أخواني


شرفني مروركم وسرني تواجدكم


وأبهجتني مشاركاتكم وتعليقكم وفقكم الله وبارك فيكم