تعال أضمك وحط راسك على صدري..

وش فيك تبكي فديتك يابعد عمري

حرام والله أشوف الدمع بعيونك

تعال أضمك وحط راسك على صدري

ماجات ناسٍ على الدنيا يبكونك

فديت روحك وعمرك واااه لو تدري

انك في عيني طفل مابي يضرونك

امسح دموعك مدام أن اللقاء بدري

واضحك حبيبي ترى واجد يحبونك

ودي أشوفك هذاك اللى على خبري

تضحك وطير الفرح يغرد على كونك

الحزن قبلك ترى في دمي وحبري

وفالناس غير الحبايب لايهمونك

الليل توه وأخاف من الوله يسري

وانا من اول ابي فرقاه من دونك

خلك مابين الشعور الطاغي وشعري

وانسى جروحك ودمع العين وطعونك

أبيك تسكن بروحي وقلبي وفكري

اباخذك عن جروح الناس وصونك

الناس لوعاشت بطيبتك ياعمري

ماكان واحد تجرىء يبكي عيونك




بروووووووووق

ابيات غاية في الروعة جدا مميزة وراقية في عذوبة كلماتها تلامس القلب ورقي في اسلوبها
لاعدمنا هذا الطرح الجميل وهذا القلم النادر
لك مني اجمل تحية

قصيدة جميلة وابيات رائعة

بروق الامل الف الف شكر

ودمتي بالف خير..

قصيده جميله الله يعافيك