ناقش العضو اللي بعدكـ بسؤال

السلام عليكم
الموضوع شفته بكذا منتدى واعجبني وايضا فيه اثراء وحركه لمنتدى الحوار

وكان في تفاعل كبير عليه من الأعضاء

والموضوع هو انه يجي عضو

ويطرح سؤال قابل للنقاش

ويجي اللي بعده ويناقش

وبعدها يحط سؤال اخر قابل للنقاش

وهكذا.....
نبغى تفاعل الجميع,,,,,,,,

سؤالي للي بعدي هو:
إذا قست عليكـ الدنيا إلى اي مكان ممكن ان تلجأ ؟

وعليك السلام ورحمة الله وبركاته
ومشكور اخوي تميم على موضوعك الرائع والحماسي
بصرااااحه فااااق اعجابي موضوعك
ودائما تروقني افكارك الراقيه
لك ارق تحيه


وبالنسبة لسؤالك ،،،

سيلجأ ابو ساري اذا ضاقت به الدنيا
كأي مسلم يعلم ان فارج الضيقات وميسر العسيرات
يتلقئ من عباده وهو فوق السبع السموات سبحانه وتعالى مكانه
سالجأ الى سجادتي واناجي ربي باصدق التوبات وغامر الدمعات لعله سبحانه ان يغمرني بفضله ومنه
ويزيل ماحل بي من بلاء فهو القادر على ذالك سبحانه وتعالى.


والان وقد حل الوقت الذي اترك فيه سؤال لمن ياتي بعدي

فسؤالي هو :

لو مريت من طريق وسيارتك لاتقل الا راكبين فقط
ووجدت صديق قديم وعزيز على قلبك وهو مريض
ولن ينقذه من الموت سوى ان تسعفه بوقته
وبجانبه حبيبتك التي طالما تمنيت لقياها من زمن بعيد
ورجل اخر غريب متواجد بالقرب منهم في مكان خالي من البشر،،،

فماذا سيكون تصرفك؟
هل ستنقذ صديقك من الموت وتترك حبيبتك مع ذاك الرجل الغريب بمفردها؟
او تنقذ حبيبتك من بقائها في ذالك المكان الذي يهدد حياتها ايضا وتحضى بحلمك الذي طال ما انتظرته هو لقائها ؟
وسيارتك لن تتسع لاكثر من اثنين ،،؟
او ماذا سكون تصرفك ؟


بنتظاركم

اشكر الآخ القدير تميم على روعة الموضوع وان شاء الله نفيد ونستفيد به من خلال اسئلتنا والآجابآت.

ي ابو ساري سؤالك محير ويفترض الي بعدك احد الآخوان لِيجيب
ولكن فضولي ابى الا ان اضع نفسي بالمكآن ..الحين انا ولد ..
اذا فيني احشرهم فوق بعض ممكن اسويها ههههه
لكن اذا مافيني ابد راح اختار حبيبتي والمريض سآستودعه الله فهو رب الكون والقادر على انقآذه وشفائه
وربما بعث الله له من يعينه في محنته ..
اما ترك الحبيبه في غيآهب الجب فهذا من انعدام الغيرة والرجوله وخاصة اذا كانت تمثل له الشيء الكبير .
ولا ننسى آن الآنثى مخلوق ضعيف ولاتستطيع حماية نفسها بالكآمل في تلك الآجواء الوعره والمحفوفة بالمخآطر .
...

لِروعة السؤال .. يستمر.

هههههههههههه ابوساري اجزم انك سارق الفكره هذي من فيلم هندي قديم خخخخخخخخخخ

طبعا بارووح اذبح ذاك الرجال الغريب اول شي عشان افتك شره واي نيه سيئه في باله عليهم وبعدين نروح نسعف الرجال ع المستشفى وبعدين نروح نجيب الحبيبه وبكذا نخلص ونكسب الاجر في الاثنين طبعا الان بيكون لي دين عند الرجال اللي اسعفته وانقذت حياته من موووووووووووووووووووووووووووووووت محقق طبعا بعد مايطلع من المستشفى اكيد بيصير انا بلشان في ذاك الرجال المذبوح ومسجون بسببه فأكيد بتاخذه النخوه ويرجع يروح عند الشرطه ويقول لهم انه هو اللي ذبح ذاك الرجال يفتديني ويرد الجميل حقي خخخخخخخخ ردا للدين اللي لي عليه وبعدها يقصون فيه وانا ارجع اتزوج ذيك الحبيبه اللي كنت اتمناها هههههههههههههههههههههههههههههههههه وبكذا خلص المسلسل البدوي ذا ههههههه
هيا بالله وش رايك يابوساري ههههههههههههههههههه

سؤالي
وش رايك/ي هل انت مع نظام الاختبارات الجديد او االعمل بنظام التقويم المستمر وتطويره لكافة المراحل الدراسيه بنين وبنات ؟؟؟؟؟؟؟

التقويم المستمر يمكن يكون افضل لو وجد من يخلص له ولكن مزاج المعلم او المعلمة هو من يتحكم فيه لتقييم الطالب
بينما الاختبارات تقيس قدرة الطالب بشكل سليم لذلك انا معها.

يستمر .

فكرة التقويم المستمر فكره موجوده بالاساس عند الدول المتقدمه وهي ناجحه ولكن فشلنا في تطبيقها بالشكل المفترض هو ماسارع بفشلها

وش رايكم في قضية غلاء المهور وخصوصا ان موسم الزواجات ع الابواب نبغى رد يغطي الموضوع وفيه حل وبدون ردوود مثاليه

غلاء المهور من غلاء الآسعار
واشوف انو الوضع مناسب لان كل قرية او قبيلة حددت مهورها على قدر امكانية ابنائها .،
ولا وشالسالفه هل من المعقول ان تزف البنت بمهر لايغطي احتياجاتها ويكون والدها من يتحمل اتمام المبلغ لقضاء حوائجها ؟!

يستمر

اشكرك اخي تميم على هذه النقطه الهامه وكانت بوقتها
فنحن الان مقبلون على فترة الاجازة الصيفيه حيث تكثر الزواجات

وبالنسبة للمهر فهواً اولاً واخيراً من نصيب العروس
ولكن في الاغلب انه لايصلها منه الا الشي اليسير كما جرت العادات
ولكن ثلاث ارباعه يكون في تكاليف العرس وان كان كذالك فلا بأس
عموماً ولكي لا اخرج من صلب الموضوع فرأيي انا هو ان غلاء المهور
تشكل عقبة امام المقبلين على الزواج وكما الاحظ على القبائل التي تخصص
مبلغ رمزي للمهر تكثر بينهم الزواجات ونلاحظ صغاراً من السن وغير موظفين
متزوجين ولديهم اولاد وهم في سن مبكره وهذا جداً جميل ومن تطبيق السنه
وهي من ثمرات تخفيض المهور ,,, هذه وجهة نظري التي قد لاتتعداني
طبت اخي تميم

ويستمر

~
طرح رااقي الفكره والمضموووون

..
السواال كون لايوجد سؤؤال :
// عادة اجتماعية تحبوها واخرى لاتحبووها ؟؟.
...
...

نورتي الموضوع السفيره
اوكي السفيره بالنسبه للعادات الاجتماعيه كثيره ويوجد منها ماهو مفيد وجيد وكذلك العكس
اللي يعجبني منها هي عادة السعي للاصلاح ذات البين وفيها اجر واللي مايعجبني هي عادة الكرم حينما يتجاوز الامر للمباهاه والتفاخر والبذخ الزايد والاسراف والتبذير بالنعم

وش رايكم طيب في قرار وزارة العمل بتانيث المحال التجاريه ومشاركة المراه فيها

~
ماايده صراحةً
ولكن يظل له سلبياته وله جانب ايجابيات
واُفضل ان يلزمون المراه بالحجاب الساتر
وان يكون هنالك اكثر من امراه بالمحل الواحد
حفاظا ع ماينبغي الحفاظ عليه فنحن مجتمع مسلم محافظ
وقد يغرر بالمراه من قبل طائشووون .."
..
...
س:
رايكم في وجود الخااادمه والسسائق بالمنززل ؟؟
..

كلامك صح يالسفيره وهذا اللي بدات في تطبيقه الوزاره زيادة عدد العاملات في المحل والتقيد باللبس المحتشم ومع ذلك اعتقد المر بحاجة وقفه اكبر ومتابعه

بالنسبه لسؤالك انا ضد استقداهم بالمره مالم يكن هناك حاجه ملحه وضروريه لاغنى عنها وخصوصا الساءق

سؤالي وش رايكم بالتبرع للمتسولين عند الاشارات

..

التسول عند الآشارة مظهر غير حضاري ولا مقبول في بلد العطاء والآمآن
ظآهرة غير انسانية شوهت شوارعنا وتسببت في ازدحامها وبالتآلي كثرت الحوادث ..

فآين المسؤلين عن كل هذا .؟؟!!

يستمر السؤال.

حاولو تخففون من تمرير نفس السؤال يجلس يدور حتى متى

المسئولين يالحره في سبات او حتى تصبح الكارثه اكبر والخطر اعظم حينها يتحركون وهذي اكبر مشكله
المتسولين صارو ينزلزن من سيارة مديرهم عيني عينك ويبداون يتوزعون ع الاشارات ويمسكون كل اتجاه

كثرة انتقال الشائعات في الواتس ماهو السبب باعتقادكم

..

الآشآعات طبعا من سابق الآزل .. كفانا الله شر المشيعين بالباطل .
ولكن الواتس سهل لهم المهمة بما ان هناك متلقي غبي ينسخ ويرسل على نطاق وآسع .


انا اذا مالقيت سؤال قلت يستمر هههههه لكن بدور سؤال من تحت الآرض.

سؤالي:
لتميم / ليش اسمك قدام الموضوع ؟

وهذا السؤال الآصلي للي بعدي :
إذا قست عليكِ الدنيا إلى اي مكان ممكن ان تلجأ بعد الله ؟